11:16, 05.12.2018

Eastnews.org-un verdiyi xəbərə görə, Yəmən ordusu ötən gün Hudeyda vilayətində Birləşmiş Ərəb Əmirlikləri və Səudiyyə Ərəbistanının dəstəklədiyi qüvvələrin hücumunu dəf edib. Mənbə: http://eastnews.org/news/31440

Yəmən orudusu PUA-lar vasitəsi ilə işğalçı qüvvələrin hərəkətini izləyərək artilleriya vasitələri ilə zərbələr endirib.   Əməliyyat nəticəsində onlarla muzdlu və bir neçə zirehli texnikanın sıradan çıxarıldığı qeyd edilir.  

Qeyd edək ki, 2015-ci ildən bu günə kimi Səudiyyə Ərəbistanı və müttəfiqləri Yəmənə təcavüz edir. Hərbi təcavüz nəticəsində on minlərlə insan həyatını itirib, milyonlarla insan xəstəlik və məcburi köçkün vəziyyətinə düşüb.

Səudiyyə və tərəfdaşları dəniz və havadan blokada şəraitində olan Yəmənə zəruri ərzaq və tibbi ləvazimatın daxil olmasına mane olur. Hazırda blokada nəticəsində milyonlarla yəmənli ağır şərtlər altında yaşamağa məcburdur. Buna baxmayaraq, yəmənlilər döyüş meydanında təcavüzkarlara qarşı mübarizəni davam etdirirlər.